என் முத்தத்தின் வலி...

நம் இடைவெளியை எண்ணி
கட்டிலும் கண்ணீர் விட்டு அழுகிறது.
நம் சண்டையில் கட்டிலை
அழவைக்கலாமா?
சரி.. சரி.. என் கட்டிலுக்காக
என்னை கொஞ்சம் கட்டியணைத்துக்கொள்..

நீ சொல்லவில்லை என்றால் என்ன?

உன் தேகம் தொட்ட மழைத்துளி கூட

சூசகமாய் சொல்லிபோகிறது

உன் காதலை....

உன் துணையை நிச்சயமாய்

நான் தேடவில்லை.

என் நிழலுக்குதான்

ஒரு துணை தேவையாம்.

கொஞ்சம் உதவி செய்.

உனக்குப் பிடித்த

ஆடை எது என்று கேட்டேன்.

சட்டென்று என்னை

அணைத்துக் கொண்டாய்.

"காஃபின்" என்ற விஷப்பொருள்

காஃபியில் கலந்திருக்கிறதாமே..

எனக்கு தெரிந்தவரை

நான் பருகும் காஃபியில்

உன் காதல் மட்டும்தான் கலந்திருக்கிறது.

எடை இழப்பு நிலவில் சாத்தியம்
என்பதை உணர்ந்து கொள்கிறேன்.
உன்னை ஏந்திக்கொள்ளும் போது...

அடிக்கடி என்னை தொடாதே..
தொலைந்து போகும் என்னை
கண்டு பிடிக்க முடியாமல்
திணறுகிறது ராணுவமும்...

என் தலை கோதும்
உன் விரல்களின் அழுத்தத்தில்
தெரிகிறது என் முத்தத்தின் வலி...